சங்கீதம் 27
கர்த்தர் என் வெளிச்சமும் என் இரட்சிப்புமானவர், யாருக்குப் பயப்படுவேன். கர்த்தர் என் ஜீவனின் பெலனானவர். யாருக்கு அஞ்சுவேன்?- சங்கீதம் 27:1
காரி ஹாகன் என்பவர் 1985-இல் தென் ஆஃப்ரிக்காவுக்குச் சென்றார். அங்கு இனவெறியை ஒழிக்கப் போராடிய திருச்சபையைச் சார்ந்த ஒரு நிறுவனத்தில் பணியில் சேர்ந்தார். அவர் சென்ற மூன்றாவது நாளில் கருப்பினத்தவர் வாழ்ந்த நகரம் ஒன்றில் ராணுவ ஆட்சி அறிவிக்கப்பட்டது. போதகர்கள் சிறைவைக்கப்பட்டனர், கருப்பர்கள் அடிக்கப்பட்டனர். பல இனத்தவர் பங்கு பெற்ற ஆராதனையில் அனுமதி பெறாமல் கலந்து கொண்டார் என்பதற்காக ஹாகன் விசாரணைக்கு உட்படுத்தப்பட்டார். அவர் அங்கிருந்த நிலைமையைச் சொல்லும் போது, “கருப்பர்களும், வெள்ளை நிறத்தவரும் பயத்தில் நடுங்கிக் கொண்டிருந்தனர். அந்த சூழலில் கிறிஸ்தவர்களுக்கு சிறிதும் பயம் என்பதே இல்லாமல் இருந்தது. சரியானதைச் செய்யும் யாருமே நசுக்கப்படுவார்கள் என்ற நிலை இருந்தது. கிறிஸ்தவர்கள் சரியானதை மட்டுமே செய்தார்கள். அவர்களது அந்த வாழ்க்கைக்குக் காரணம், இயேசு போதித்தவைகள் யாவும் உண்மை என்று அவர்கள் உண்மையிலேயே நம்பினார்கள். நானும் எந்த அளவுக்கு இயேசுவின் போதனைகள் உண்மையானவைகள் என்று நம்பினேனோ அந்த அளவுக்குத் தான் பயப்படாமல் இருந்தேன் என்பதையும் புரிந்து கொண்டேன்” என்றார்.
நம் வாழ்விலும் இயேசுவின் போதனைகளை நம்பினால் பயம் இல்லாமல் இருக்கும். என்மேல் யுத்தம் எழும்பினாலும், இதிலே நான் நம்பிக்கையாயிருப்பேன். நானோ, ஜீவனுள்ளோர் தேசத்திலே கர்த்தருடைய நன்மையைக் காண்பேன் என்று விசுவாசியாதிருந்தால் கெட்டுப்போயிருப்பேன். என்று தனது பயமில்லாமைக்குக் காரணத்தைச் சொல்கிறார் தாவீது.
சிந்தனை : விசுவாசமும் தைரியமும் ஒன்றுக்கொன்று நேரடியான தொடர்பு உள்ளது. ஒன்று கூடினால் மற்றதும் கூடும்.
ஜெபம் : கர்த்தாவே, உமது வழியை எனக்குப் போதித்து, என் எதிராளிகளினிமித்தம் செவ்வையான பாதையில் என்னை நடத்தும். ஆமென்.
No comments:
Post a Comment