September 14, மாற்றம் மாறும்

எபிரெயர் 13

இயேசுகிறிஸ்து நேற்றும் இன்றும் என்றும் மாறாதவராயிருக்கிறார். - எபிரெயர் 13:8

இந்த உலகம் ஒழுங்காக வேண்டுமானால் என் நாடு முதலாவதாக மாற்றப்பட வேண்டும். எனது நாடு மாற என் சொந்த ஊர் மாற வேண்டும். என் ஊரில் கட்டுப்பாடு ஏற்பட என் குடும்பம் ஒழுங்குபடுத்தப்பட வேண்டும். என் குடும்பம் மாற்றம் பெற வேண்டுமானால் நான் தான் முதலாவதாக மாற வேண்டும். என்று சொல்கிறார் ஒரு சீன நாட்டுத் தளபதி.

கடவுள் கடவுள் தான் அவர் மாறாமல் இருக்க வேண்டும். மக்கள் தீமையிலிருந்து நன்மைக்கு மாறுகிறவர்களாக, நன்மையிலும் புதிதாக மாறுகிறவர்களாக இருக்க வேண்டும். இயேசு தமது குணங்களில், தன்மையில், வல்லமையில், மகிமையில் மாறாதவர். அவர் நித்தியத்துக்கும் ராஜா. இந்த உலகத்தின் தலைவர்கள் வயதாகும் போது அல்லது பதவியில் ஏறிய பின் மாறிவிடுவார்கள். யாரை எப்போது எவ்வளவு நம்பலாம் என்பதில் நமக்கு எப்போதுமே குழப்பம் இருந்து கொண்டே தான் இருக்கின்றது. ஆனால் இயேசுவோ தனது குணங்களிலும், வல்லமையிலும் மாறாதவராகவே இருக்கின்றார். அதனால் தான் நாம் அவரை துணிந்து நம்பலாம். அவரால் செய்ய முடியாதது ஒன்றுமில்லை. ஆகவே அவரது உதவிக்காக நாம் காத்திருக்கலாம். அவர் உலகத்தில் வாழ்ந்த காலத்தில் என்னவெல்லாம் செய்தாரோ அவற்றையெல்லாம் இன்றும் செய்வதற்கு வல்லவராக இருக்கின்றார். இதற்கு முந்திய வசனம் ”தேவவசனத்தை உங்களுக்குப் போதித்து உங்களை நடத்தினவர்களை நீங்கள் நினைத்து, அவர்களுடைய நடக்கையின் முடிவை நன்றாய்ச் சிந்தித்து, அவர்களுடைய விசுவாசத்தைப் பின்பற்றுங்கள்” என்று சொல்கிறது, நம் தலைவர்களிலும் பலரது போதனைகளும் நடக்கையின் முடிவுகளும் வித்தியாசமாக இருந்திருக்கலாம். அவர்களது விசுவாசத்தை மட்டுமே நாம் பின்பற்ற ஆலோசனை கொடுக்கப்படுகின்றது.

சிந்தனை : நல்ல வாழ்க்கை வேண்டுமென்றால் நாம் மாற வேண்டும்; நாம் மாற வேண்டுமென்றால் நமக்கு மாறாத ஆண்டவர் இருக்க வேண்டும்.

ஜெபம் : மாறாத இயேசுவே, நான் என் வாழ்வில் நல்ல மாற்றங்களை உருவாக்க என்னை உருவாக்கும்.; ஆமென்.

For Audio Tracks visit : DD-Tamil

For Older Posts visit : http://dropindeocean.blogspot.com/

--

http://micyell.com
micyellmedia@gmail.com
Mobile : 09994258788