நீதிமொழிகள் 13
பிரம்பைக் கையாடாதவன் தன் மகனைப் பகைக்கிறான்; அவன்மேல் அன்பாயிருக்கிறவனோ அவனை ஏற்கனவே தண்டிக்கிறான். - நீதிமொழிகள் 13:24
பள்ளிகளில் பல ஆசிரியர்கள் மாணவர்களை மிருகத்தனமாக அடிப்பது கண்டிக்கத்தக்கது. ஆனால், கண்டிப்பே இல்லாமல் வளருபவர்களின் எதிர்காலம் கண்டிப்பாக சிறப்பாக இருக்காது. ஆசிரியர்கள் மாணவர்களை அடிக்கக்கூடாது என்று சட்டம் கொண்டு வந்ததும் பல மாணவர்கள் கொண்டாடினார்கள். காலை அசெம்ப்ளியில் செய்தி வாசித்த ஒரு பையன் அந்த செய்தியை மட்டும் ஒரு அழுத்தம் கொடுத்து வாசித்தானாம். ஆனால் பல பெரியவர்கள் தங்கள் ஆசிரியர்களிடமும் பெற்றோரிடமும் பெற்ற அடிகளினால் தான் இன்று நல்ல நிலைமையில் இருப்பதாகச் சொல்கிறார்கள். சிறுவயதின் மதியீனமும், விளையாட்டுத்தனமும் கண்டிப்பினால் தான் சரியாகும்.
மேலும் அடிப்பது அல்லது கண்டிப்பது என்பது சிறுவர்களின் பிற்கால நன்மைக்காகவே தான். கண்டிப்பது கூட அன்பு தான் என்பதால் தான் பிரம்பின் பழமானது இளமையில் கசந்தாலும் வருங்காலத்தில் இனிமையானதாகத் தெரியும். அன்பு என்பது தட்டிக்கேட்காமலேயே வளர்ப்பது அல்ல. நமது பரம பிதாவாகிய கடவுளும் நம்மை சிட்சித்து வளர்க்கிறார் என்று வேதாகமம் சொல்கிறது.
சிந்தனை : அதிக பிரம்புப்பழம் வெறுப்பைத் தரும். பிரம்புப்பழம் இல்லையென்றால் முக்கியமான சத்துக்களும் கிடைக்காமல் போய்விடும்.
ஜெபம் : பரமபிதாவே, கண்டிப்புகளை நன்மை என்று எடுத்துக் கொள்ளவும், தீமையான கண்டிப்புகளில் சோர்ந்து போகாமல் இருக்கவும் உதவி செய்யும். ஆமென்.
For Audio Tracks visit : DD-Tamil
No comments:
Post a Comment